Rusiyanın “Mir” kartları yeni çətinliklə üzləşdi: Hətta Ermənistan da imtina etdi

Qaynarinfo xəbər verir ki, bu barədə "İzvestiya” maliyyə təşkilatlarının nümayəndələrinə istinadən yazır. 

Rusiya ödəniş sistemi ilə işləməkdən imtinaya səbəb ABŞ və Avropa ölkələrinin sanksiyalarıdır: banklar ikinci dərəcəli məhdudiyyətlərə düşməkdən qorxur və Rusiya sistemi ilə əməkdaşlıq naminə riskə getməyə hazır deyillər.

Ermənistan "Mir” kartlarına xidmət göstərməyi tamamilə dayandırıb. Yerli Mərkəzi Bank hər bir kommersiya bankına Rusiyanın ödəniş sistemi ilə əməkdaşlıq risklərini müstəqil həll etmək və qiymətləndirmək hüququ verib, lakin yerli banklar riskə getməyib və kartlara xidmət göstərməyi dayandırıblar. "Mir” kartları ilə bağlı analoji tədbirlər Qazaxıstanın ən böyük bankı "Halık”da və Vyetnamın ən böyük banklarından biri olan BIDV-də həyata keçirilib – "Mir” kartlarına artıq onlar tərəfindən xidmət göstərilmir.

Əməkdaşlıqdan kütləvi imtinalar fonunda "Mir” ödəniş sisteminin veb-saytında əvvəllər Rusiyadan kənarda kartların qəbulu coğrafiyasını göstərən bölmə yoxa çıxıb. İndi bu məlumat saytda sadəcə mövcud deyil, bölmə yalnız Rusiyanın daxilində sistemin işləməsi haqqında danışır. Əvvəllər sayt iddia edirdi ki, "Mir” kartlarından səkkiz ölkədə istifadə oluna bilər.

Rusiyanın ödəniş sistemində problemlər ABŞ və Avropa İttifaqının ən böyük bankları "Mir” sistemi ilə işi gücləndirən Türkiyəyə qarşı təhdidlərindən sonra başlayıb. Bununla belə, Qərb ölkələrinə Rusiya ilə əməkdaşlıq və sanksiyalardan yayınmaqda mümkün yardım barədə xəbərdarlıq etdikdən sonra türk bankları "Mir” kartı ilə işləməkdən imtina etməyə başlayıblar: ikinci dərəcəli sanksiyaların riskləri onunla əməkdaşlığın faydalarından üstündür.