ABŞ prezidenti Co Bayden Rusiya prezidenti Vladimir Putinin nüvə silahı ilə bağlı yeni açıqlamalarından xəbərdardır.
Qaynarinfo xəbər verir ki, bu barədə Ağ Evin mətbuat katibi Karin Jan-Pyerin bəyanatında deyilir.
Ağ Ev qeyd edib ki, Putin Qərbi şantaj etməyə çalışır.
"Prezident, əlbəttə ki, xəbərdardır", - Jan-Pyer Ağ Ev rəhbərinin Putinin son nüvə təhdidləri barədə məlumatlı olub-olmaması ilə bağlı suala cavabında deyib.
O qeyd edib ki, Kreml rəhbəri müsahibəsində Rusiyanın nüvə doktrinasını təsdiqləyib. Bununla belə, onun ritorikası Rusiya Federasiyasının Ukraynaya qarşı başlatdığı münaqişə boyu ehtiyatsız və məsuliyyətsiz olaraq qalır.
Jan-Pyer ABŞ-ın nüvə strategiyasına düzəliş etmək üçün heç bir səbəb görmədiyini deyib və vurğulayıb ki, Rusiyanın Ukraynada nüvə silahından istifadə etməyə hazırlaşdığına dair heç bir əlamət yoxdur.
Martın 13-də Rusiya prezidenti Vladimir Putin Qərbə xəbərdarlıq edib ki, Rusiya texniki cəhətdən nüvə müharibəsinə hazırdır və ABŞ Ukraynaya qoşun göndərərsə, bu, müharibənin əhəmiyyətli dərəcədə eskalasiyası hesab olunacaq.
Fevralın 29-da Vladimir Putin Federal Məclisdə çıxış edərək, nüvə qüvvələrinin "tam hazırlığı" haqqında danışıb və NATO ölkələrinin hərbçilərinin Ukraynaya cəlb edilməsinə dair potensial qərarın nəticələri ilə bağlı hədə-qorxu gəlib.
Alpər
Şərhlər