Dünya 12:28 10.02.2023

Avstriya millisinin türk əsilli futbolçusu Vyanada güllələndi

Avstriya millisinin keçmiş futbolçusu Volkan Kahraman Vyanada küçədə güllələnib. 

Qaynarinfo xəbər verir ki, bu barədə "Mirror” məlumat yayıb.

Faciə çərşənbə günü səhər Avstriyanın paytaxtında barların birinin yaxınlığında baş verib. Mənbənin sözlərinə görə, 43 yaşlı Kahramanı öldürən iş ortağı cinayəti törətdikdən sonra intihar edib.

Keçmiş futbolçunu həyata qaytarmaq cəhdləri uğursuz alınıb.

Faktla bağlı araşdırma aparılır.

Kahramanın çıxış etdiyi bir neçə futbol klubu, o cümlədən Avstriyanın "Avstriya” və Hollandiyanın "Excelsior” klubları onun vəfatı ilə bağlı başsağlığı verib.
Kahraman 2009-cu ildə peşəkar karyerasına son qoyub, bundan sonra Avstriya komandalarını çalışdırmağa başlayıb.

Alpər