Fransa Müdafiə Nazirliyinin Kişinyovdakı daimi nümayəndəliyini hərbi attaşe təmsil edəcək.
Qaynarinfo xəbər verir ki, bunu Moldovanın müdafiə naziri Anatoli Nosatı PRO TV-yə müsahibəsində
bildirib.
Onun sözlərinə görə, attaşenin namizədliyi artıq təsdiqlənib - bu, qadın polkovnik-leytenantdır, o, Fransanın Rumıniyanın paytaxtı Buxarestdəki səfirliyindən Kişinyova köçəcək.
"Demək istəyirəm ki, bütün tədbirlər (hərbi əməkdaşlıqla bağlı – red.) bizim hərbçilərimizin xaricdə, Fransa hərbçilərinin isə ölkəmizdə mövcudluğu ilə bağlı olacaq, lakin bu, bu tədbirlərin müddəti ilə məhdudlaşacaq. Bu mövcudluq Moldova qanunvericiliyini pozmayacaq və onun neytral statusuna zidd olmayacaq”, - Nosatı əlavə edib.
Qeyd edək ki, Fransa prezidenti Emmanuel Makron martın 7-də Kişinyovda Moldovada daimi müdafiə missiyası açmağı planlaşdırdığını açıqlayıb. O, Parisdə Moldova prezidenti Maya Sandu ilə görüşüb. O izah edib ki, bu, Moldova və Fransa hərbçilərinin birgə təhsili və təlimini nəzərdə tutur.
Nizami Bağırov
Şərhlər