Kreml 2024-cü il seçkilərində Putinə 76%-dən çox səs tələb edib

Ötən həftə prezident administrasiyası rəhbərinin birinci müavini Sergey Kiriyenkonun rəhbərlik etdiyi Kremlin daxili siyasi blokunun əməkdaşları seminar keçirib.

 

RBC-yə görüşün məzmunu ilə tanış olan üç mənbə bildirib ki, onlar kampaniyanın əsas məqsədlərini müəyyən ediblər.

 

Onlardan birinə görə, Prezident Administrasiyası 2018-ci il seçkiləri ilə müqayisədə həm seçicilərin sayının, həm də Putinə dəstəyin artırılmasını tələb edir. Başqa bir mənbə nəşrə təsdiqləyib ki, söhbət nəticələrin "son kampaniyadan daha yaxşı" olmasından gedib. MSK-nın məlumatına görə, həmin seçkilərdə Putin səslərin 76%-dən çoxunu qazanıb. Üçüncü mənbə 2024-cü il seçkilərində nəticənin yalnız faiz baxımından deyil, mütləq rəqəmlərlə də əhəmiyyətli olacağını ifadə edib.

RBC mənbələri bildirir ki, görüşdə, həmçinin İosif Stalindən bəri Rusiyanı ən uzun müddət idarə edən və 2036-cı ilə qədər hakimiyyətdə qala bilən Putinin fiquru ətrafında cəmiyyətin konsolidasiya səviyyəsini necə qoruyub saxlamağı da müzakirə ediblər. RBC mənbələrinin məlumatına görə, prezident özünün Federal Məclisə müraciətində dediyi kimi, seçkilərin vaxtında - 2024-cü ilin martında keçirilməsi vəzifəsi qoyulub.