Ölkə 15:37 07.10.2023

Nazirdən təyinatlar: Mehriban Vəliyevaya yeni vəzifə verildi

Məktəbəqədər və Ümumi Təhsil üzrə Dövlət Agentliyinə direktor müavinləri təyin olunub.

Elm və Təhsil Nazirliyindən Qaynarinfo-ya verilən xəbərə görə, Bakı Şəhəri üzrə Təhsil İdarəsinin müdiri Mehriban Vəliyeva, Nazirliyin Aparat rəhbərinin müavini Nərminə Hüseynova, Ümumi və məktəbəqədər təhsilin təşkili və idarə olunması şöbəsinin müdir müavini Orxan Abbasov Məktəbəqədər və Ümumi Təhsil üzrə Dövlət Agentliyinə direktor müavinləri təyin olunublar.

Mehriban Vəliyevaya həmçinin Bakı Şəhəri üzrə Təhsil İdarəsinin müdiri vəzifəsi həvalə olunub.

Qeyd edək ki, elm və təhsil naziri Emin Əmrullayev bu barədə müvafiq əmrlər imzalayıb.