Dünya 12:17 26.11.2023

Nyu Yorkdan üç dəfə böyük olan aysberq 37 ildən sonra hərəkətə başladı

Dünyanın ən böyük aysberqlərindən biri olan A23a parçalanıb və Antarktika sularından kənarda sürüklənir. 

Qaynarinfo xəbər verir ki, bu barədə Böyük Britaniya Antarktika Tədqiqatının məlumatlarına istinadən "Associated Press" (AP) məlumat yayıb.

Aysberq A23a 1986-cı ildə Antarktidadakı Filçner Buz Şelfindən qopub, lakin dərhal okeanın dibinə enib və son 37 ildə Veddell dənizində qalıb. Buz kütləsinin sahəsi təqribən 4 min kvadrat kilometrdir ki, bu da Nyu Yorkdan 3 dəfə böyükdür.

Alimlərin fikrincə, A23a arxa küləklərin və cərəyanların təsiri altında tədricən sürət yığır. Buz kütləsi Antarktika yarımadasının şimal ucuna doğru hərəkət edir.

Böyük Britaniya Antarktika Tədqiqatının mütəxəssisləri qeyd ediblər ki, onlar ilk dəfə 2020-ci ildə aysberqin mövqeyində yüngül hərəkətlər müşahidə ediblər. Tədqiqatçılar A23a-nın şelfdəki suyun temperaturunun dəyişməsi səbəbindən hərəkət edə biləcəyi qənaətinə gəliblər. Buz dağı, nəhayət, sualtı torpaqda tutma qabiliyyətini itirənədək tədricən əriyib və yenidən üzməyə başlayıb.

Aydın