Tovuz stadionunda işıq dirəyi aşdı, Premyer Liqa oyunu dayandırıldı (YENİLƏNİB/VİDEO)
Azərbaycan Premyer Liqasının XVIII turunun "Turan Tovuz” – "Araz-Naxçıvan” oyunu təxirə salınıb.
Bu barədə Qaynarinfo-ya Peşəkar Futbol Liqasından məlumat verilib.
Buna səbəb 81-ci dəqiqədə matçın keçirildiyi Tovuz şəhər stadionunda işıq dirəklərindən birinin aşması olub. Güclü külək nəticəsində projektor qırıldığından, baş hakim Rəvan Həmzəzadə son dəqiqələrin oynanılmamasını qərara alıb. Dekabrın 24-də keçiriləcək görüşün qalan hissəsi saat 12:00-da başlayacaq.
Qeyd edək ki, oyun dayandırılarkən "Turan Tovuz” hesabda 2:1 öndə olub. Meydan sahiblərindən 5-ci dəqiqədə Xəyal Nəcəfov, 16 dəqiqədə penaltidən Bruno Qonçalves, qonaqlardan isə 58-ci dəqiqədə penaltini dəqiq yerinə yetirən İsmail Azzaui fərqləniblər.
17.49
Azərbaycan Premyer Liqasının XVIII turunda keçirilən "Turan Tovuz” – "Araz-Naxçıvan” oyununun gedişində işıq dirəklərindən biri aşıb.
"Report”un məlumatına görə, hadisə qarşılaşmanın 81-ci dəqiqəsində baş verib.
Meydan sahibləri hesabda 2:1 öndə olarkən güclü küləyin təsirindən işıq dirəyi qırılıb və nəticədə qarşılaşma yarımçıq dayandırılıb. Hakimlər və komandalar meydançanı tərk ediblər.
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər