İdman 10:30 06.02.2023

Azərbaycan Premyer Liqasında 21-ci tura yekun vurulur

Azərbaycan Premyer Liqasında 21-ci tura bu gün yekun vurulacaq.

Qaynarinfo-nun məlumatına görə turun son oyun günündə iki matç baş tutacaq.

Əvvəlcə "Turan Tovuz" səfərdə "Şamaxı"nın qonağı olacaq. Komandalar Premyer Liqada 2 oyunda üz-üzə gəlib. Bunların birincə "Şamaxı", digərində "Turan Tovuz" qələbə qazanıb. Hər iki komanda öz meydanında uduzub. "Turan Tovuz” hər iki qarşılaşmada bir qol vurub. Top fərqi "Şamaxı"nın xeyrinədir - 3:2.

Tura paytaxt dueli ilə yekun vurulacaq. "Sabah” Masazırda "Səbail”lə qarşılaşacaq. Komandalar ölkə çempionatlarında bunadək 17 dəfə qarşılaşıb. Bunların 8-də "Sabah", 5-də "Səbail" meydandan üç xalla ayrılıb. 4 oyunda isə komandalar 1 xalla kifayətlənib. "Sabah” son 5 görüşdə qol buraxmayıb. Son 8 matçda qol vuran tərəf qalib gəlib. Top fərqində "Sabah"ın üstünlüyü nəzərə çarpır - 20:13.

Premyer Liqa, 21-ci tur

6 fevral

14.00. "Şamaxı” – "Turan Tovuz”

Hakimlər: Əliyar Ağayev, Zeynal Zeynalov, Akif Əmirəli, Rəvan Həmzəzadə

VAR hakimləri: Elçin Məsiyev, Rahil Ramazanov

Hakim-inspektor: Munis Abdullayev

AFFA nümayəndəsi: Məmmədəli Məmmədov

Şamaxı şəhər stadionu.

18.00. "Sabah” – "Səbail”

Hakimlər: İnqilab Məmmədov, Pərvin Talıbov, Şirmamed Mamedov, Cavid Cəlilov

VAR hakimləri: Rauf Cabarov, Cəmil Quliyev

Hakim-inspektor: Əmrah İbrahimov

AFFA nümayəndəsi: Ramiz Mustafayev

"Bank Respublika Arena”.

"Qarabağ" - 57, "Sabah" - 49, "Neftçi" - 44, "Zirə" - 32, "Qəbələ" - 27, "Turan Tovuz" - 17, "Şamaxı" - 16, "Sumqayıt" - 15, "Kəpəz" - 14, "Səbail" - 13

Səbuhi Həsənov